15 years ago
29.12.21
20.12.21
O MELLOR DESEXO PARA 2022
Decoramos o centro con obxectos que representaban o nosos desexos escritos en pratos dourados e prateados e con estrelas de papiroflexia que fixemos nas aulas.
15.12.21
CONCURSO DE MÚSICA: EMPANADA EN MONFORTE, C Mirazo, Clioenllamas, O Portughes
"Empanada en Monforte" está interpretada por Gallego ft. C Mirazo e O Portughés.
Producida por Clioenllamas, esta canción, pertencente ao álbum O bateeiro (2021), conxuga diferentes estilos urbanos, que é son os característicos da música destes tres artistas que hoxe vos presentamos.
14.12.21
CONCURSO DE MÚSICA: FIGA, Tanxugueiras
Si, estamos a falar de Aida Tarrío e de Olaia e Sabela Maneiro, integrantes do grupo Tanxugueiras e da canción "Figa".
Tanxugueiras iniciou a súa angueira musical como grupo arredor de 2016, pero non sería ata 2018 cando publicarían o seu primeiro traballo, que levaba por título o mesmo nome da banda. A este disco seguiulle outro, titulado "Contrapunto", que viu a luz en 2019, e dous grandes éxitos neste 2021, titulados "Midas" e "Figa", que é a que hoxe vos presentamos.
Entre os grandes recoñecementos do grupo, ademais de optar a representar a España en Eurovisión, no festival que terá lugar na cidade italiana de Turín en 2022, está ser galardoado cos Premios MIN de la Música Independiente 2018 polo mellor álbum galego, ser consideradas as mellores músicas de Galicia no Certame aRi(t)mar Galiza e Portugal 2019 e gañar os Premios Martín Códax da Música 2019 como mellor grupo de música tradicional e folk, entre moitos outros.
Ademais deste "Figa" gustaríanos desde os EDLG do IES de Rodeira, IES María Soliño e IES Monte Carrasco desexarlles moito éxito ás Tanxugueiras no Benidorm Fest. Que a vosa música nos siga sempre representando!
13.12.21
CONCURSO E MÚSICA: MUINHEIRA DE INTERIOR, Boyanka Kostova
Desta volta traémosvos unha muiñeira, pero non unha calquera; nada menos que a "Muinheira de interior" de Boyanka Kostova.
Boyanka Kostova naceu en Compostela aló polo ano 2016. A banda, integrada por Chicho González (que xa coñecedes en solitario como Ortiga) e Cibrán García, fusiona os estilos do hip-hop e do trap coa nosa música tradicional. Está considerada a primeira banda de trap en galego. Teñen tres traballos publicados: Vella canción galega (2018), Nova canción galega (2019) e Os dous de sempre (2020), onde se integra "Muinheira de interior".
Pouco máis debemos dicir, agás que "Unha noite no muíño, unha noite non é nada, unha semaniña enteira, esa si que é muiñada".
Deixámosvos con este temazo para alegrarvos o día :)
10.12.21
CONCURSO DE MÚSICA: COMA SON GOKU, Verto
Volve Verto co seu tema "Coma son Goku". A maioría de vós xa coñecedes a este grupo e tamén este tema, así que o único que nos queda é que desfrutedes del.
9.12.21
CONCURSO DE MÚSICA: NOITES DE VERÁN, FØ Records
Este tema asinado pola banda negreiresa FØ Records estreouse neste ano 2021.
FØ Records inicia a súa andaina como banda en 2019 cando lanzan o seu primeiro sinxelo, titulado "A porrallada". Poucos meses máis tarde, en febreiro de 2020, ve a luz "O club do Pitillo" e xa nese mesmo verán, aínda en plena pandemia, publican "Lume", co que gañan o premio Youtubeiras 2020 na categoría musical.
A fusión do hip-hop e o trap do seu estilo e a estética diferenciada e coidada dos seus videoclips fan de FØ Records un dos máis prometedores grupos da nosa música actual.
Deixámosvos con "Noites de verán". Agardamos que vos guste!
7.12.21
CONCURSO DE MÚSICA: UXÍA, Momboi
A canción "Uxía" é do grupo noiés Momboi.
Momboi irrompeu no panorama musical galego no verán de 2018 e desde ese momento non deixou de colleitar éxitos en certames e concertos. O grupo está integrado por Brais Sánchez, Beny Mayo, Carba e André Garabato. O seu estilo musical mestura os ritmos latinos da cumbia ou da rumba con outros coma o jazz, o funk, o folk e o pop. O seu primeiro traballo viu a luz en decembro de 2019 e leva por título "Ofrenda". Entre os recoñecementos de Momboi destaca o 3º posto nos Premios Narf en 2020, o que supuxo un gran pulo na carreira musical destes prometedores músicos.
Deixámosvos aquí con "Uxía", esta grande "ofrenda" que nos deixa esta banda. Agardamos que vos guste!
3.12.21
CONCURSO DE MÚSICA: FESTAII, Lil Chachi
Tema de Lil Chachi, nado en Louro 1997, músico e produtor galego adscrito principalmente aos estilos do rap e do pop. A súa andaina musical iníciase arredor de 2016, cando comeza a publicar nas plataformas Youtube e Soundcloud os seus primeiros singles. Case un lustro despois, en febreiro deste mesmo ano ve a luz o seu primeiro álbum, titulado “2021 Montelouro Hills Drive”. Este é o seu primeiro proxecto integramente en galego e nel Lil Chachi amosa cales son seus referentes musicais, que forman parte dos estilos do hip-hop, trap, rap alternativo ou pop rap.
1.12.21
CONCURSO DE MÚSICA: NOITES DE AGOSTO, Ataque Escampe
Tema do grupo Ataque Escampe que comezou a súa andaina como grupo no ano 2001, pero non se consolidaría ata o ano 2008 cando viu a luz o seu primeiro disco. Ademais, entre os seus recoñecementos está o de ser gañadores, na categoría indie/pop, dos Premios da Música Galega en 2014. En canto ao estilo, eles mesmos afirman que escriben cancións con salsa agridoce. Producen músicas tristes para escenarios con cortina vermella, reverbs torturados e himnos á derrota, pero tamén rock’n’roll para desabrochar as camisas, soul hilarante e, por que non, ruído. Textos amargos que manchan as mans con algo que chamaremos optimismo e a estraña melancolía dun crooner extraterrestre.
30.11.21
CONCURSO DE MÚSICA: AMBIENTE, Verto, Rhome
Tema de Verto en colaboración con Rhome.
Verto é un grupo formado por Berto Mira e Fer Peleteiro, que comezou a súa andaina en 2019. O seu rompedor estilo que mestura pop, música disco e trap converteunos nun dos grupos galegos máis populares e escoitados nas plataformas dixitais.
Rhome é o nome artístico do cantante e produtor noiés Pablo Romeu, que conxuga xéneros urbanos e latinos.
29.11.21
CONCURSO DE MÚSICA: PEIXE, Xisco Feijóo
Hoxe presentamos a canción que dá nome ao último disco do vigués Xisco Feijóo, Peixe. É un artista polifacético que combina o seu labor musical coa docencia na Escola Municipal de Vigo de Música Folk e tradicional (ETRAD). Ademais, está considerado un grandes referentes da etnografía galega polos seus máis de trinta anos de incesante traballo de recuperación musical.
Que xa vos soaba Xisco Feijóo? Pois claro. Foi o bailarín que protagonizou o videoclip da canción Midas do grupo Tanxugueiras.
O luns, máis.
26.11.21
CONCURSO DE MÚSICA: NANANA, Ortiga
Nanana é un tema de Ortiga, nome artístico do compostelán Manuel González, un cantante polifacético que combina a súa prometedora carreira en solitario co seu labor no grupo Boyanka Kostova, que mestura trap e música tradicional.
25.11.21
DÍA INTERNACIONAL PARA A ELIMINACIÓN DA VIOLENCIA CONTRA A MULLER
Primeiro a reflexión nas aulas, creando diálogos que partindo do que esperamos dunha relación mostrasen os diferentes chanzos da escaleira do maltrato, cando a relación se volve tóxica.
E dando voz ás que xa non a teñen, lembrando os asasinatos que aínda se producen cada ano.
Para finalmente saír a rúa con carteis e denunciar co noso manifesto esta situación, animando a denunciar e a loitar por conseguir a igualdade de oportunidades.
24.11.21
CONCURSO DE MÚSICA: NORAI DE ANGURIA, Carolina Rubirosa
Hoxe entra en concurso un tema de Carolina Rubirosa, unha das voces con maior proxección do panorama musical galego. Ademais dunha prometedora carreira en solitario, forma parte do grupo The Funkles, integrado só por mulleres. A música desta rapaza do Grove bebe do funk, do soul, do jazz, do folk e da bossa nova.
Vota na nosa conta de Instagram o teu tema preferido a partir de mañá xoves.
23.11.21
CONCURSO DE MÚSICA: LUMINARIAS II, Rebeliom do Inframundo
Xa temos nova canción, do grupo Rebeliom do Inframundo, rap insubmiso que naceu en Ponteareas, alá polo ano 2005.
22.11.21
CONCURSO DE MÚSICA: FAINO TI, High Paw, Javier Vicalo
Novo tema para o noso concurso musical.
Hoxe é a quenda de "Faino ti", unha colaboración entre @highpawgz e Javier Vicalo.
High Paw é o nome artístico da viguesa Paula Herrero, unha
das máis novas e orixinais voces do reggae en galego.
Javier Vicalo é produtor e músico e foi el mesmo o que se
encargou da produción e da gravación desta canción que aquí vos ofrecemos.
Seguide pendentes no blog ou en Instagram! Mañá máis!
19.11.21
CONCURSO DE MÚSICA: FEDES A FAIADO, Os Vacalouras
Desde os tres institutos de Cangas, lanzamos esta iniciativa para saber cal é a música en galego que máis vos gusta. Subiremos un tema por día e poderedes votar cada xoves na nosa conta de Instagram: lingualizat.
O primeiro tema é "Fedes a faiado" do grupo OS VACALOURAS, un grupo de punk rock experimental que naceu en Teis arredor
do ano 2007. O estilo desenfadado e a creatividade das súas letras fan deste
grupo todo un referente do rock vigués actual.
Agardamos que vos guste!
12.11.21
MAGOSTO
Celebramos o magosto comendo castañas ao son da música e as cantigas populares. Como ten que ser!
30.10.21
29.10.21
29.9.21
NOVAS VOCES PARA A LINGUA
Conseguiremos. Este é o título, e a declaración de intencións, co que bota a andar Novas voces para a lingua, o proxecto que a Real Academia Galega e a Facultade de Ciencias da Comunicación da Universidade de Santiago de Compostela promoven para conectar a mocidade co idioma. A iniciativa arrinca cunha serie de cinco pezas audiovisuais protagonizadas por mozos e mozas que son exemplo da Galicia con máis talento e que empregan o galego en todos os contextos da vida, da creación e do desenvolvemento profesional. Os músicos Alejandro Guillán Baiuca e Laura Lamontagne, o director de cine Andrés Goteira, as actrices da Panadaría Teatro, a psiquiatra e divulgadora Iria Veiga e o xenetista Ángel Carracedo son parte do elenco da serie Conseguiremos, a resposta á proposta da RAG que concibiron Paula Quiroga (directora), Lois Alcayde (guionista) e Meritxell Álvarez (produtora). Os tres estudantes de Xornalismo e Comunicación Audiovisual fixeron realidade a primeira edición do proxecto co apoio doutros tres docentes da súa facultade e da propia Academia. Aquí tedes o primeiro capítulo, protagonizado por Verónica Boquete e gravado no estadio que leva o seu nome.
27.9.21
UNHA NOVA XERACIÓN QUE ESCOLLE GALEGO
Novo curso e novo proxecto. Empeñados en convencer o noso alumnado de que o galego pode ser a súa lingua, enchemos o centro de caras novas do cine, do teatro, da música, da ciencia, das redes sociais... que ESCOLLEN O GALEGO como lingua habitual pero tamén xente nova do Morrazo que, moi preto de nós, dá vida ao galego no instituto, da casa, da rúa e do traballo. Referentes que animen o alumnado adolescente a pensar que eles e elas tamén poden escoller o galego como lingua habitual.
31.5.21
ESCOLLE TEATRO GALEGO: O MEU MUNDO NON É DESTE REINO
O próximo sábado 5 de xuño ás 20:00 horas temos unha nova cita no Auditorio
de Cangas. TEATRO DA RAMBOIA presenta: O MEU MUNDO NON É DESTE REINO.
Uns feirantes chegan ao que chaman fogar logo dun día de traballo. Son Camilo e Tomás, dous titiriteiros que levan o mesmo espectáculo unha e outra vez polas vilas do país. Carretan ás costas un enorme “tutilimundi”. A disxuntiva de abrilo convérteo nunha caixa de Pandora latente. Contar e dar vida ao que contén, supón a única vía de escape dos totalitarismos que os oprimen. Un xeito de sobrevivir nun reino militarizado sen trazas de lóxica humanística. Nun contexto ao que non pertencen, nun reino que non é do seu mundo. Ábreno. As marionetas emerxen da farsa como alegorías incontrolables e esperpénticas dunha realidade pasada. A comedia ábrese paso como xerme de cambio nun xogo continuado entre o micro e macro teatro. Ata que todo remata. Desbórdase. Neste Reino a inxustiza tínguese de vivas cores querendo despistar ao senso común, ao oprimido. E que ocorre co resto? Cos que lle rodean? Esvaecen nun fondo descolorido.
O MEU MUNDO NON É DESTE REINO é unha adaptación da “Farsa de Bululú” de
Manuel María, unha parodia da ditadura franquista. A recuperación do título
orixinal da obra serve para proxectar este laio silenciado no seu día. Hoxe,
encabeza o espectáculo de novo para facer fronte a un pasado que insiste en
repetirse.
Dramaturxia e dirección: María Peinado. Elenco: Anxo García e Fran Lareu.
Esperámosvos alí!
ESCOLLE CINE BRASILEIRO EN VERSIÓN ORIXINAL: BACURAU
O venres 4 de xuño, ás 21:00 horas o Cine Club de Cangas proxecta Bacurau.
Bacurau é um filme franco-brasileiro de 2019, dos gêneros drama, faroeste, terror gore, fantasia e ficção científica, escrito e dirigido por Kleber Mendonça Filho e Juliano Dornelles. É produzido por Emilie Lesclaux, Saïd Ben Saïd e Michel Merkt e estrelado por Sônia Braga, Udo Kier, Silvero Pereira e Bárbara Colen. O título do filme é o apelido do último ônibus da madrugada no Recife, e a origem do nome vem de uma ave de hábitos noturnos comum nos sertões brasileiros, que era chamada pelos povos tupis de wakura'wa.
Num futuro próximo, Bacurau, uma pequena cidade brasileira no oeste de Pernambuco, lamenta a perda de sua matriarca, Carmelita (Lia de Itamaracá), que viveu até os 94 anos. Dias depois, seus habitantes aos poucos percebem algo estranho acontecer na região: enquanto drones passeiam pelos céus, estrangeiros chegam pela primeira vez na cidade com planos de exterminar toda a população ali residente, carros são atingidos por tiros e cadáveres começam a aparecer. Os habitantes chegam à conclusão de que estão sendo atacados. Resta identificar o inimigo e criar coletivamente um meio de defesa.
A produção conquistou o Prêmio do Júri no Festival de Cannes de 2019, tornando-se o segundo filme brasileiro da história a ser laureado no certame geral, após O Pagador de Promessas (1962) de Anselmo Duarte. O filme foi selecionado para mostras principais de festivais prestigiados mundialmente, como o Festival de Nova York (NYFF), Festival de Havana, Festival du Nouveau Cinéma de Montreal, Festival de Cinema de Munique, Festival de Cinema de Sitges e outros. Além disso, o filme foi indicado a diversas categorias do Grande Prêmio do Cinema Brasileiro e do Prêmio Guarani de Cinema Brasileiro.
24.5.21
ESCOLLE MÚSICA EN GALEGO: AILÁ
"Ailá" é un proxecto artístico inspirado nas recolleitas
históricas dos cantos de transmisión oral na Galiza. É unha proposta pensada
para bailar e desfrutar coa música galega dende un prisma moderno e
contemporáneo.
O venres 28 de maio, ás 20:00h presentan no Auditorio de Cangas o seu primeiro disco. Tamén estarán as pandereiteiras Lina e Lola.
Non faltedes! Vémonos alí!
19.5.21
ESCOLLE TEATRO EN GALEGO: CURVA ESPAÑA
O próximo sábado 22 de maio, ás 20:00, CHÉVERE presenta no Auditorio de Cangas: CURVA ESPAÑA.
Nos últimos anos Chévere realizou unha serie de traballos que exploraron as posibilidades do teatro-documento e a memoria colectiva como detonantes dunha ficción teatral (Citizen, Eurozone, Eroski Paraíso...). Este novo proxecto é un paso máis para afondar nos mecanismos narrativos que xorden na fronteira entre a realidade e a ficción, entre a historia e a lenda, entre a pantalla e o escenario. Coma outras veces, partimos dunha historia moi local. Nesta ocasión trátase dun relato que se foi transmitindo oralmente de xeración en xeración entre a xente da comarca de Verín (Ourense), durante os últimos noventa anos: a historia da curva na que se matou o enxeñeiro José Fernández España en 1927, cando traballaba no trazado ferroviario de acceso a Galicia entre Puebla de Sanabria e Ourense. Curva España trata sobre un crime aparentemente sen resolver, unha morte violenta que provoca sospeitas e interrogantes sobre os seus autores, motivacións e consecuencias. A partir da existencia de distintas versións sobre o caso, artellamos unha peza que bebe do xénero policial, ironiza sobre o formato documental combinando teatro e cine en directo e funciona como unha alegoría da construción do estado nación español coma se fose a promesa dun tren que nunca chegou. Porque a esta zona afastada e fronteiriza España apenas chegou en forma de mito, e o mito fala da súa morte nunha curva.
Curva España é unha adaptación a escena do formato deses documentais sobre crimes reais que inzan as plataformas de contidos audiovisuais tipo Netflix ou HBO. O escenario funciona coma un plató no que se van executando, gravando e editando en directo as distintas secuencias nas que se estutura a historia. Unha historia que dá para falar da España Baleirada, das consecuencias da Lei Mordaza sobre a liberdade de expresión, da unidade nacional ou de como a xente constrúe narrativas alternativas á historia oficial. Pódese describir como unha obra cinescénica, unha autoficción documental ou un trhiller, sen renunciar a seguir facendo un teatro político que fala de nós mesmos e de como as promesas incumpridas do pasado afectan ao presente.
En escena: Patricia de Lorenzo, Miguel de Lira, Leticia T. Blanco, Lucía Estévez. Dramaturxia e dirección: Xron. Escrita: Xron, Manuel Cortés, Miguel de Lira, Patricia de Lorenzo.
Non faltedes! Quedamos no Auditorio!
10.5.21
ESCOLLE TEATRO EN GALEGO: A LOUCA HISTORIA DE GALICIA
O próximo sábado 15 de maio ás 20:00 horas, FULANO, MENGANO E CITANO presenta no Auditorio de Cangas: A LOUCA HISTORIA DE GALICIA.
"A louca historia de Galicia" é un percorrido en clave de humor a través da nosa historia.
"A louca historia de Galicia" lévanos por todos eses períodos de luz e de sombras - ás veces de apagamento total - que fixeron de nós o que hoxe somos.
"A louca historia de Galicia" é un paseo polas orixes, costumes e tradicións desta terra de bispos e reis, nobres e servos, heroes e tiranos, situada entre a fin do mundo e o norte de Portugal.
"A louca historia de Galicia" como se di sempre nunha sinopse que se prece, "móstranos uns personaxes na procura da súa identidade", a diferenza está en que esta vez... por fin é certo!
Autores: Manuel Pombal, Manuel Botana.
Actores: Manuel Pombal, Suso Pando, Paulo Medal.
Dramaturgia e Dirección: Manuel Pombal.
Toca rir, que falta fai!! Vémonos na porta do Auditorio.
1.5.21
ESCOLLE COMERCIO LOCAL E SAIRÁS GAÑANDO
FECIMO pon en marcha unha campaña durante o mes de maio na que se sortearán 3000 euros en tarxetas regalo que se poden conseguir mercando no comercio local en Cangas, Moaña e Bueu.
23.4.21
19.4.21
ESCOLLE TEATRO EN GALEGO: MEDIDAXMEDIDA
Acontece nunha Viena surrealista inventada por Shakespeare. O mandatario Duque Vincenzo pasa á clandestinidade e manda aplicar con todo rigor a lei contra os comportamentos inmorais. Cai a lei por igual sobre o negocio do sexo e sobre a xuventude hedonista. Un xoven de boa familia é condenado a morte. Isto obriga a Isabella, a sua irmá monxa, a abandonar o convento por tres dias coa tentativa de salvar a vida do seu pecadento irmán. Un mundo de vicio, perversidade e corrupción tentarán lixar a sua brancura virxinal. Palacios, cadeas e arrabaldos serán o labirinto que percorre Isabella na sua carreira contra a morte. Todo observado dende as sombras por un Duque Vincenzo, irrecoñecível baixo o hábito de frade mendicante. Unha comedia negra que coquetea constantemente co desastre.
No reparto están Melania Cruz, Patricia Vázquez, María Costas, Josito Porto, Santi Romay, Evaristo Calvo e Víctor Mosqueira.
Vémonos no Auditorio!
12.4.21
ESCOLLE UN MONÓLOGO TEATRAL: OS INOCENTES
Tras uns vinte minutos de risos case ininterrompidos, Cadaval comeza a introducir as personaxes que padecendo de inocencia, sexan quizais, quen máis poden sufrir neste mundo; os inocentes na guerra. Concretamente a guerra civil española. A historia de Marquiños “o terriñas”, mete de cheo o público nas miserias do conflicto. A xente acépta ben o cambio de ton. De súpeto o contador cambia de historia e narra o peculiar suceso dun pastor do Incio que quedou a agardar a chegada dos falanxistas de Monforte, “…pois el nunca vira un falangista!”. Ó longo da contada, Cadaval deixa historias en suspenso para comezar outras; coma se plantase unha árbore da que medran ramas e destas xurdisen outras máis pequenas… para acabar volvendo ás ramas principais, ás historias iniciais. Segundo avanza a Sesión o ribeirense pasa a narrar dende o persoal, e conta as historias da taberna da súa nai e mailas do grupo de amigos do seu pai. Isto dalle a oportunidade de reivindicar a figura do ‘parvo’ en todo grupo de amigos… ou nacións. betfair site down E salta brevemente a unha historia da antiga Grecia. Con todo será entre os amigos do seu pai onde se agocha o gran protagonista final da súa contada; Manolo “o chabolista”. De novo o público vese mergullado no surrealismo da guerra civil, ata dar cos presos da Illa de San Simón. A xente ri a cachón e parecen confirmar que é compatible facer humor e denuncia histórica ó mesmo tempo.
Marcos Estebo.
Non faltedes que imos rir seguro!
1.4.21
ESCOLLE COMERCIO LOCAL
FECIMO continúa coa campaña de envíos gratis do Comercio do Morrazo durante todo o mes de abril para seguir estimulando o comercio local.
22.3.21
8.3.21
22.2.21
DRAW MY LIFE de ROSALÍA DE CASTRO
O Equipo de Dinamización da Lingua Galega do Colexio San Pío X (Ourense) compartiu con nós este recurso para achegaármonos aos datos biográficos de Rosalía de Castro. Trátase dun Draw My Life narrado en galego por Uxía Salgado da Silva, alumna de 6º de primaria deste centro. As ilustracións foron obtidas do vídeo orixinal en castelán publicado en maio de 2019 polo equipo "TikTak Draw" de YouTube, e que lles concedeu a súa autorización. Tamén contaron coa axuda da Secretaría Xeral de Política Lingüística e da Fundación Rosalía de Castro, que participou na revisión dos datos biográficos.
21.2.21
TIKTOK en GALEGO
Querémonos facer eco da campaña que reivindica a presenza do galego en TIKTOK, unha iniciativa de Carlos Vieito, apoiada pola Mesa pola Normalización Lingüística. Lanzouse coincidindo coa celebración do Día da Lingua Materna e en resposta á negativa desta plataforma de aceptar unha campaña en galego da Xunta de Galicia a favor da cultura, #aculturasegue. O castelán é a única lingua aceptada en todo o estado. A resposta, animar a encher a plataforma de tiktoks en galego durante esta semana.
16.2.21
14.2.21
13.2.21
ESCOLLE O TEU TEMA PREFERIDO
aRi[t]mar galiza e portugal é un proxecto didáctico-cultural, desenvolvido inicialmente pola Escola Oficial de Idiomas de Santiago de Compostela, que ten por obxectivo divulgar a música e a poesía galego-portuguesas actuais.
O alumnado da escola seleccionou os que considerou os vinte mellores temas musicais editados en Galiza e Portugal no 2020. Agora é a quenda do público para escoller os dous gañadores finais.
Músicas finalistas
Galiza
Baiuca : Adélia (featHaēma)
Guadi Galego: Cólico
Mercedes Peon & Streicherensemble der Augsburger Philharmoniker: Marabilla
MJ Pérez: Falan de Ti
Néboa: Coidar dunhas colmeas
Os d'Abaixo: Pasei pola túa porta
Pauliña: Vento
Ukestra do Medio: As Chaves do Inferno
Uxía & Sérgio Tannus: Festa e fe
Xoana: Anceios
Portugal
Ana Bacalhau:Memória
Bárbara Tinoco: Outras Línguas
Carlão: Assobia Para O Lado
Cláudia Pascoal: Quase Dança
Dino D'Santiago: Kriolu (featJulinho KSD)
FUGA: Nós (feat Beatriz Nunes)
Miguel Araújo: A Incrível História de Gabriela de Jesus
Os Quatro e Meia com Carlão: Bom Rapaz
Pedro Abrunhosa: Tempestade (com Carolina Deslandes)
Tatanka: Estrelas (com Carolina Deslandes)
Participa. Podedes escoitar os temas completos e votar desde hoxe, 13 de febreiro, ás 20:00h na súa páxina:
https://aritmar.gal/edicion-2021/
O prazo remata o 20 de marzo.
1.2.21
ESCOLLE COMERCIO LOCAL
Este mes de febreiro a nosa lingua protagoniza unha campaña de amor moi especial cara ao comercio local, unha orixinal campaña coa que FECIMO segue a animarnos a consumir no comercio e na hostelaría de proximidade.
Cando un cliente emprega a súa TARXETA DE FIDELIZACIÓN do Comercio do Morrazo para obter unha porcentaxe de bonificación nas súas COMPRAS ou CONSUMICIÓNS en calquera dos COMERCIOS ou LOCAIS que teñan activa dita tarxeta, durante o mes de febreiro, entrarán no SORTEO FINAL, onde se repartirán 900€ en premios. Que aínda non a tes? Podes conseguila a través da web e da app do Comercio do Morrazo ou ben recibida de forma física por parte dos locais participantes. Todo son vantaxes!!!
29.1.21
Subscribe to:
Posts (Atom)
