18.12.14

DESTAPA O GALEGO NA MÚSICA



E chegou o derradeiro día de clase deste primeiro trimestre e con el a festa de Nadal para o alumnado dos equipos. Cada un presentouse a través dun vídeo musical en galego co que nos invitaron a todos e todas a cantar e bailar. Pasámolo xenial!.

1º da ESO escolleu para nós unha canción de Sinchán que versiona de xeito divertido os versos do noso poeta Celso Emilio Ferreiro.





2º da ESO decidiu levar o galego aos máis pequenos. Para iso pedimos ao profesorado de infantil do colexio da Rúa, o máis próximo ao instituto, que todos os nenos e nenas aprendesen a canción. O alumnado de 2º preparou o vídeo e desprazouse ao cole para facer a gravación.





3º da ESO rapeou ao Som do Ghalpom


 





4º da ESO bailou disco co tema Búscame de Miguel Valbuena Vs Dj Piñas and Ramón Gz Feat, cantado por Leyla.

  4.-4ºeso from lingualiza1 on Vimeo.
 

E nós, o alumnado de Bacharelato escollemos o tema Terra de Dakidarría que versionamos, cantamos e gravamos nun videoclip.


O EDLG ten o profesorado con máis marcha do instituto. Escolleron un tema de Nao: Heroes da resistencia e fixeron este vídeo no que volven á mirada atrás, ao anos que levan tirando de nós e animándonos a falar en galego, mentres ía medrando a súa amizade até convertérense nunha familia.






12.12.14

DESTAPA O GALEGO NO NADAL



Que mellor que escumoso galego para brindar nestas festas. Dunha gran botella de BRINDE saíron as burbullas do gran mural que convidaba a toda a comunidade educativa a gozar do Nadal que xa chega en galego.











Na mesa, con produtos etiquetados na nosa lingua











E tamén nos agasallos: aquí tes os trípticos con recomendacións realizados pola Coordinadora de Equipos de Dinamización do Morrazo.











E non deixes de pasar a ver a exposición das novidades que nos ofrecen as editoriais galegas.










E o tendal de camisetiñas con lemas en galego que temos no mercado.  Inspírate e deseña ti unha orixinal en papel: se lle gusta ao xurado, o EDNL regálacha para que poidas lucila.