14.12.09

O GALEGO É O MELLOR REGALO

Que non falte o galego nos teus agasallos do Nadal. Libros, discos, DVD, camisetas, produtos selectos e ecolóxicos etiquetados na nosa lingua… Se non sabes que mercar, visita a nosa exposición na planta baixa do instituto e atoparás ideas e enderezos onde conseguilas.

O Equipo de Normalización quere aproveitar a ocasión para desexarche unhas felices vacacións e un ano novo cheo de galego. Bicos!

4.12.09

A MÚSICA COMOEXPRESIÓN DE INCORFOMISMO



Este mércores 2 de decembro tivemos o pracer de conversar no instituto con tres grandes músicos galegos: García, de Dios ke te crew; Abraham, de Sonoro maxín; Jose, de TNT e Motor Perkins e Esteban, de Skacha. Esta mesa redonda sobre música e compromiso social foi moderada por Vari, membro da asociación Deskarga furtiva. Escoitamos música destes grupos e explicáronnos as características que definen o seu traballo. Contestaron as preguntas do alumnado sobre os motivos polos que se decidiron a formar un grupo musical, a importancia do galego nas súas letras, a necesidade dunha maior presenza feminina nestas bandas de música que eles definiron como alternativas, lonxe dos circuítos comerciais; as razóns dos nomes dos grupos ou os problemas aos que se tiveron que enfrontar pola súa postura crítica co mundo que os rodea. Animaron ao alumnado interesdo a expresarse a través da música, desafogando nas letras todas as súas inquedanzas persoais e sociais.
Agradecemos á asociación Deskarga furtiva que contase, un ano máis, co equipo de normalización do centro para organizar esta acttividade, que forma parte da semana cultural do Festival Furtivo.

23.11.09

MAGOSTO 2009

9.11.09

SAMAÍN

20.10.09

QUEREMOS GALEGO

DEMOSTRA QUE ESTÁS PREPARAD@ PARA FORMAR PARTE DO EQUIPO DE NORMALIZACIÓN DO IES DE RODEIRA


Condicións xerais: Tedes que camiñar desde o instituto até a praia de Santa Marta pola beira do mar e falar en galego ao longo de todo o paseo. Estades list@s?

- Proba 1: Detédevos na Praia de Rodeira.
Cantas veces deixastes de falar en galego por medo a dar a nota ou a chamar a atención? Demostrade que sodes capaces de superar o medo ao ridículo converténdovos en flocos de millo brincadeiros saltando cos brazos pegados ao corpo nunha grande tixola. Se saltando tocades outro floco, comezaredes a saltar xunt@s, moi pegados. Así irán creándose grupos até convertérmonos nunha gran bóla xigante.



- Proba 2: Detédevos no Dique.
Outro requisito fundamental para formar parte do ENDL é saber sermos serios á hora do traballo e saber rirmos e pasalo ben á hora da diversión.
Agrupádevos en dous equipos, un fronte ao outro. Tiramos ao aire un zapato. Se cae boca arriba, os da fileira da dereita botaranse a rir e os da esquerda terán que permanecer moi serios. O que se ría quedará eliminado. Se o zapato cae boca abaixo será ao contrario. Gañan @s que máis resistan.



- Proba 3: Detédevos en Punta Balea.
No ENDL é fundamental a forza do grupo, saber apoiarse uns noutros. Se alguén non cumpre os compromisos todo o grupo se resente.
Temos que formar unha roda e facela avanzar sentándonos nos xeonllos do que temos detrás.



- Proba 4: Detédevos en Area Milla
Parece que para falar galego en Cangas hai que recibir adestramento para superar probas difíciles. A ver se vos atrevedes con estas:
- Cada equipo nunha fileira para unha carreira. O primeiro pasa a man dereita entre as pernas para coller a man do seu compañeiro de atrás e así tod@s.
- Cada equipo nunha fileira para unha carreira.O primeiro ten as mans nos xeonllos e os demais levan as mans nos nocellos do anterior e a cabeza entre as pernas.
- Cada equipo nunha fileira para unha carreira. De xeonllos coas mans apoiadas nos ombros do que está diante. En fronte, un capitán que suxeita as mans do primeiro da barca. A barca móvese porque todos empurran cos pés ao tempo. Perden @s que se separen.
- Grupos de seis. O primeiro ten que apoiar os pés nos ombros do compañeiro de atrás, apoiándose só nos brazos. O segundo fai o mesmo e así todos, sendo o último o único que ten os pés no chan. Ten que avanzar uns metros sen descarrilar.



- Chegamos ao destino: a praia de Santa Marta. Facemos grupos e aportamos ideas para o proxecto de Normalización deste curso.



- Fotos en forma de G e unha pancarta “O galego fainos únicos” lanzou polo aire coa axuda de tod@s aos máis arriscados.

19.10.09

REPARTO DO MEDICAMENTO “GALEGO” A VOLUNTARI@S PARA COMEZAR UN TRATAMENTO EXPERIMENTAL

Como todos ben sabedes Galiza veuse afectada por unha epidemia que está a facer desaparecer a súa lingua propia. Segundo os mais recentes estudos, Vigo e A Coruña están a ser os principais focos de transmisión desta enfermidade e xa se empeza a falar de pandemia. Ataca principalmente a nenos e xente nova, que se senten indefensos pola falta de contextos nos que a lingua naza espontaneamente. Por desgraza non se coñece aínda ningunha cura efectiva e, aínda que hai quen defende que se solucionaría cun ensino en galego desde moi cativos e xa se fabricara un medicamento que se chamaba galescolas, agora hai quen pensa que ten efectos secundarios e retirárono do mercado. Tamén hai quen pensa que non hai que preocuparse tanto, que é unha enfermidade coa que se pode ir tirando, que non sempre se pode ter todo.

Pero en Rodeira non nos conformamos. Ante a falta de compromiso das institucións, montamos o noso propio laboratorio para dar coa solución do mal que xa se deixa sentir nos corredores. Chámase ENDL e decidiu fabricar artificialmente un medicamento que bautizou co nome da lingua en perigo: GALEGO. Vós todos e todas os que estades aquí decidistes voluntariamente formar parte do experimento e probar os seus efectos. Se alguén se arrepinte está a tempo de marchar. @s que vos quededes tedes que estar convencidos de que queredes curarvos da falta de galego na vosa vida.

O primeiro será ler con atención o prospecto do medicamento que queremos tomar. Imos alertar sobre todo dos efectos secundarios. E fixádevos tamén en como debe administrarse en pequenas doses que deberán ir aumentando progresivamente.

-------------------------------------------------------------------------------

GALEGO

Propiedades
É un composto coñecido e empregado desde hai séculos, da familia lingüística galego-portuguesa, derivado do latín. Utilízase como instrumento de comunicación, sendo o compoñente prioritario da identidade galega. O seu uso prolongado provoca unha agradábel sensación de orgullo e autoestima. A súa administración desde os primeiros anos de vida, nos centros de ensino e nos lugares de ocio e tempo libre, potencia os seus efectos beneficiosos.

Indicacións
- Trastornos de comportamento por causa da diglosia, o autoodio ou a falta de autoestima.
- Trastornos por ausencia de relación coa cultura e a identidade galegas.
- Persoas con insuficiencia comunicativa.
- O seu uso está especialmente indicado para persoas e colectivos que crean que a diversidade cultural dos pobos do mundo nos enriquece como seres humanos.
- Estados de acollida d@s acabad@s de chegar a Galiza.
- Viaxeir@s que queiran visitar Portugal, Brasil, Angola, Mozambique ou as illas Açores ou Madeira ou conversar con xente procedente destes lugares.

Contraindicacións
Non se coñecen até o de agora.

Incompatibilidades
Presenta problemas en pacientes con trastornos ideolóxicos, asociados ás linguas do poder e indiferentes á perda cultural e de identidade da humanidade.
Recoméndase a inxesta doutros idiomas, cantos máis mellor, para ver de chegar, polo camiño do plurilingüismo, a entender que a lingua propia da nosa comunidade é insustituíbel.

Efectos secundarios
O paciente que o consuma por primeira vez pode experimentar unha sensación de estrañeza e unha certa incomodidade que desaparece ao continuar o tratamento.

Fórmula
- Latín
- Linguas de substrato preindoeuropeo e indoeuropeo.
- Linguas de superestrato: visigodo, suevo, árabe.

Presentación
Pode consumirse en formatos moi diversos, a través de textos escritos ou de administración oral. Recoméndase a súa distribución en formatos actualizados (novas tecnoloxías, cine, TV, radio, música variada) e o seu consumo tradicional (familia, veciños, amigos).

Doses
Comezarase pouco a pouco e irase aumentando progresivamente. É moi aconsellable acompañalo ao comezo de terapias colectivas que axuden a superar as reaccións provocadas polas primeiras tomas.

Caducidade
O propio medicamento ten unha sorprendente capacidade de rexeneración polo que NON presenta data de caducidade.

ESTE MEDICAMENTO DEBE ESTAR AO ALCANCE D@S NEN@S


laboratorios sociais
de normalización lingüística
(Sechu Sende, adaptación)
--------------------------------------------------------------------------------

Aconsellan terapia de grupo para superar os primeiros efectos adversos. Ímola facer por niveis, un día á semana:
- 2º,3º ESO: luns
- 4º: martes
- 1º ESO: mércores
- 1º Bach: venres
- 2º Bach: xoves

24.6.09

REMATA O CURSO


Polas portas, polas xanelas, polas paredes, por todas partes. No instituto houbo grous de papel pola paz, mapas coas linguas dos distintos continentes, mulleres famosas na historia e na literatura, representacións da guerra na arte, poemas e murais de amor, debuxos, fotografías, diversidade de especies e diversidade de culturas

27.4.09

FACENDO AMIG@S EN TUI

Coñecérmonos e intercambiar experiencias practicando o uso espontáneo do galego: con ese obxectivo profes e rapaces e rapazas dos Equipos de Normalización de Cangas e Tui decidimos convivir ao longo de dous días. O primeiro foi o venres 24: desprazámonos de Cangas a Tui para descubrir con eles o seu marabilloso casco histórico e o Parque
Natural do Monte Aloia. O luns 5 de maio virán el@s a Cangas e nós presumiremos sobre todo das nosas magníficas praias, paseando desde Rodeira ata o dique e logo en Donón, cabo Home e na praia de Melide. Esperemos que o tempo acompañe.



27.3.09

ENTROIDO 2009

10.3.09

LINGUALÍZATE!!!


en galego da galiza em galego portugués in galinglish galiñol berberego ou galegués

NO GALEGO QUE TI QUEIRAS

mais solta a lingua a pacer -e a pracer- e petisca febras de verbas frescas

LINGUALÍZATE!

LINGUALÍZATE!!!


en galego da galiza em galego portugués in galinglish galiñol berberego ou galegués
NO GALEGO QUE TI QUEIRAS

mais solta a lingua a pacer -e a pracer- e petisca febras de verbas frescas

LINGUALÍZATE!

UN MUNDO DE LINGUAS



UN MUNDO DE LINGUAS



9.3.09

DÍA DA MULLER



Celebramos en galego o día da muller.

Que credes que teñen en común a muller e a lingua galega?

Ambas as dúas foron discriminadas historicamente, asociándose a determinadas tarefas e marxinándoas en moitas outras. Tamén en ambos casos fomos avanzando e recoñecéndolle dereitos pero aínda queda, nos dous casos, moito por andar ata conseguir a igualdade. Queremos crer que a maioría de noso alumnado defende os mesmos dereitos para o galego que para o castelán e poder empregalo onde queiramos.

Tamén queremos pensar que defendería que o home e a muller teñen os mesmos dereitos e poden desempeñar as mesmas tarefas. Pero somos conscientes de que, nestes temas, aínda que melloraron as actitudes mantéñense na práctica os hábitos do pasado, da época na que se asumía con naturalidade a marxinación. Por iso quixemos propoñer ao alumnado de 4º da ESO un xogo no que teñen que superar unha serie de probas para demostrar que están preparados para asumir a igualdade nas tarefas domésticas e para falar en galego sen complexos.

Organizados en grupos compiten por realizar no menor tempo posíbel e coa máxima perfección, seguindo as instrucións dadas as seguintes tarefas:

- Unha actividade de cociña e limpeza.

- Unha actividade de costura

- Unha actividade de posta en orde dunha habitación.

- Unha actividade relacionada coa organización da roupa dunha casa.

- Unha lista da compra

Tamén se valorará que falen en galego entre el@s e asuman con naturalidade as tarefas domésticas que todos necesitamos para vivir, sen avergoñarse diante d@s compañeir@s e deixándose fotografar para futuras campañas. I

INSTRUCIÓNS PARA A PROBA DA COCIÑA.

Realizar unha torta de galletas e chocolate de acordo coa receita.

1.- Localizar os ingredientes e o material necesario na cociña.

2.- Elaboración.

3.- Recollida e limpeza: fregar e varrer. Que todo quede como cando chegastes… ou mellor aínda.

Receita torta de galletas e chocolate Ingredientes:

-galletas tipo “chiquilin” ou ” maría hojaldrada”

-250 ml de leite aproximadamente, chocolate en po e azucre para a crema de chocolate,

-leite para mollar as galletas

Elaboración:

-Collemos unha fonte ou molde cadrado ou rectangular

- Preparamos a crema de chocolate poñendo leite a quentar e mesturando, cando estea bem quente o azucre e o chocolate en po sen deixar de remover.

-Imos mollando as galletas no leite.

-Colocamos unha primeira capa de galletas cubrindo todo o fondo. Se fose necesario romperemos algunhas para cubrir os pequenos ocos.

-Cubrimos cunha capa de chocolate.

-Volvemos poñer outra capa de galletas e de novo cubrimos con chocolate.

-Volvemos cubrir con máis galletas tantas capas como queiramos e finalmente bañamos toda a parte superior e os laterais coa cobertura de chocolate.

-Adornamos e deixamos arrefriar no frigorífico.

INSTRUCIÓNS PARA A PROBA DE COSTURA

1.- Seleccionar o fío máis adecuado para o botón a coser.

2.- Cortar ao redor de 60 cm, enfíar a agulla, pasar o fío e facer un nó co fío dobre o máis preto posible da punta.

3.- Meter a agulla polo revés da prenda e sacalo por un dos buracos do botón e logo polo outro volvendo ao revés da prenda e repetir unhas sete veces. Se o botón ten catro buracos o proceso repítese dous a dous.

4.- Pásase o fío finalmente do revés ao dereito por debaixo do botón e dáselle unhas voltas ao redor.

5.- Vólvese pasar o fío para o revés e danse unhas puntadas pequenas unha enriba da outra para rematar e evitar que o fío se solte.

INSTRUCIÓNS PARA ORGANIZAR UN CUARTO

1.- Recoller todo canto está tirado e ordenalo. Limpar o po.

2.- Para facer a cama os membros do grupo colocaranse en fila e, cada dous, colocarán unha peza de roupa na cama. - Saba de abaixo - Saba de enriba - Manta - Introducir o recheo da almofada na funda e colocar - Introducir o recheo na funda nórdica - Colocar a funda nórdica.

3.- Aspirar o cuarto, baleirar e recoller o aspirador, colaborando tod@s.

INSTRUCIÓNS PARA ORGANIZAR A ROUPA

Lembrade que o tempo conta pero debedes organizarvos para participar tod@s e falar en galego.

1.- Tender a roupa que está na lavadora. De novo nunha fileira para ir tendendo unha peza cada un/unha

2.- Recoller o tendal.

3.- Tamén un de cada vez pasar o ferro, dobrar cada peza de roupa e colocala no armario de xeito ordenado

A LISTA DA COMPRA.

Que cousas cres que se necesitan nunha casa e que terías que comprobar se tes cando vas facer a compra?

- De limpeza:

- De alimentación:

- De mantemento

- De aseo persoal

- De papelaría

DÍA DA MULLER



Celebramos en galego o día da muller.

Que credes que teñen en común a muller e a lingua galega?

Ambas as dúas foron discriminadas historicamente, asociándose a determinadas tarefas e marxinándoas en moitas outras. Tamén en ambos casos fomos avanzando e recoñecéndolle dereitos pero aínda queda, nos dous casos, moito por andar ata conseguir a igualdade. Queremos crer que a maioría de noso alumnado defende os mesmos dereitos para o galego que para o castelán e poder empregalo onde queiramos.

Tamén queremos pensar que defendería que o home e a muller teñen os mesmos dereitos e poden desempeñar as mesmas tarefas. Pero somos conscientes de que, nestes temas, aínda que melloraron as actitudes mantéñense na práctica os hábitos do pasado, da época na que se asumía con naturalidade a marxinación. Por iso quixemos propoñer ao alumnado de 4º da ESO un xogo no que teñen que superar unha serie de probas para demostrar que están preparados para asumir a igualdade nas tarefas domésticas e para falar en galego sen complexos.

Organizados en grupos compiten por realizar no menor tempo posíbel e coa máxima perfección, seguindo as instrucións dadas as seguintes tarefas:

- Unha actividade de cociña e limpeza.

- Unha actividade de costura

- Unha actividade de posta en orde dunha habitación.

- Unha actividade relacionada coa organización da roupa dunha casa.

- Unha lista da compra

Tamén se valorará que falen en galego entre el@s e asuman con naturalidade as tarefas domésticas que todos necesitamos para vivir, sen avergoñarse diante d@s compañeir@s e deixándose fotografar para futuras campañas. I

NSTRUCIÓNS PARA A PROBA DA COCIÑA.

Realizar unha torta de galletas e chocolate de acordo coa receita.

1.- Localizar os ingredientes e o material necesario na cociña.

2.- Elaboración.

3.- Recollida e limpeza: fregar e varrer. Que todo quede como cando chegastes… ou mellor aínda.

Receita torta de galletas e chocolate Ingredientes:

-galletas tipo “chiquilin” ou ” maría hojaldrada”

-250 ml de leite aproximadamente, chocolate en po e azucre para a crema de chocolate,

-leite para mollar as galletas

Elaboración:

-Collemos unha fonte ou molde cadrado ou rectangular

- Preparamos a crema de chocolate poñendo leite a quentar e mesturando, cando estea bem quente o azucre e o chocolate en po sen deixar de remover.

-Imos mollando as galletas no leite.

-Colocamos unha primeira capa de galletas cubrindo todo o fondo. Se fose necesario romperemos algunhas para cubrir os pequenos ocos.

-Cubrimos cunha capa de chocolate.

-Volvemos poñer outra capa de galletas e de novo cubrimos con chocolate.

-Volvemos cubrir con máis galletas tantas capas como queiramos e finalmente bañamos toda a parte superior e os laterais coa cobertura de chocolate.

-Adornamos e deixamos arrefriar no frigorífico.

INSTRUCIÓNS PARA A PROBA DE COSTURA

1.- Seleccionar o fío máis adecuado para o botón a coser.

2.- Cortar ao redor de 60 cm, enfíar a agulla, pasar o fío e facer un nó co fío dobre o máis preto posible da punta.

3.- Meter a agulla polo revés da prenda e sacalo por un dos buracos do botón e logo polo outro volvendo ao revés da prenda e repetir unhas sete veces. Se o botón ten catro buracos o proceso repítese dous a dous.

4.- Pásase o fío finalmente do revés ao dereito por debaixo do botón e dáselle unhas voltas ao redor.

5.- Vólvese pasar o fío para o revés e danse unhas puntadas pequenas unha enriba da outra para rematar e evitar que o fío se solte.

INSTRUCIÓNS PARA ORGANIZAR UN CUARTO

1.- Recoller todo canto está tirado e ordenalo. Limpar o po.

2.- Para facer a cama os membros do grupo colocaranse en fila e, cada dous, colocarán unha peza de roupa na cama. - Saba de abaixo - Saba de enriba - Manta - Introducir o recheo da almofada na funda e colocar - Introducir o recheo na funda nórdica - Colocar a funda nórdica.

3.- Aspirar o cuarto, baleirar e recoller o aspirador, colaborando tod@s.

INSTRUCIÓNS PARA ORGANIZAR A ROUPA

Lembrade que o tempo conta pero debedes organizarvos para participar tod@s e falar en galego.

1.- Tender a roupa que está na lavadora. De novo nunha fileira para ir tendendo unha peza cada un/unha

2.- Recoller o tendal.

3.- Tamén un de cada vez pasar o ferro, dobrar cada peza de roupa e colocala no armario de xeito ordenado

A LISTA DA COMPRA.

Que cousas cres que se necesitan nunha casa e que terías que comprobar se tes cando vas facer a compra?

- De limpeza:

- De alimentación:

- De mantemento

- De aseo persoal

- De papelaría
De Películas
De Películas

7.3.09

exposición mulleres na historia

Do IES Pontepedriña de Santiago chegounos esta exposición sobre mulleres na historia que tivemos en Rodeira no primeiro trimestre deste curso.

exposición mulleres na historia

Do IES Pontepedriña de Santiago chegounos esta exposición sobre mulleres na historia que tivemos en Rodeira no primeiro trimestre deste curso.