REGUEIFANDO EN GALEGO NO MORRAZO

As regueifas son coplas improvisadas que teñen a súa orixe nas antigas celebracións das vodas; os convidados de fóra da parroquia discutían en verso  cos da parroquia; iniciaban unha disputa en verso e o gañador tiña a honra de partir e repartir a regueifa, unha rosca de ovo e azucre.

Co obxectivo de dinamizar o uso do galego na xente nova, os concellos do Morrazo invitaron a dous recoñecidos regueifeiros, Caruncho e Pinto de Herbón, que foron polos institutos a impartir un obradoiro de poesía improvisada ao alumnado de 2º da ESO.

Tamén viñeron a Rodeira. 


Seleccionaron 10 alumnos/as para participar no I Certame de Regueifa do Morrazo, no que competiron os seleccionados de todos os institutos da comarca.
 

Asistimos todo o alumnado de 2º e resultou moi emocionante ver reigueifando aos nosos compañeiros e compañeiras nun auditorio ateigado de xente nova.

 Parabéns a Iker, Clara, Rafa, Claudia, Blanca, Antonio, Yoel e, moi en especial, a Manuel que quedou no grupo dos finalistas.

Felicitamos  tamén a Caruncho e Pinto por aprendernos a crear poesía improvisada en galego e manter viva esta arte tan nosa. Foi unha experiencia xenial!