LETRAS GALEGAS 2017

Chega maio e queremos dar a coñecer a Carlos Casares, o autor ao que se dedica este ano o Día das Letras Galegas. Fixémolo con tres exposicións diferentes que podedes visitar no centro. Ao lado da biblioteca, a exposición gañadora do concurso que cada ano convoca a Secretaría Xeral de Política Lingüística, realizada polo alumnado do IES Carlos Casares de Vigo.

O noso alumnado tamén buscou datos e preparou en equipos presentacións sobre este autor para facer na aula. A partir delas, montamos unha exposición para poñer no enreixado exterior do instituto e dalo a coñecer a toda a xente de Cangas. Tamén saíu o alumnado máis novo para procurar os datos dos encrucillados de Carlos Casares deseñados pola RAG.

A terceira exposición deseñouna o EDLG para a nosa festa das Letras e contou coa colaboración de todo o alumnado do instituto e do profesorado do instituto. Xa vos contaremos que tal resultou.