A FESTA DO MUÍÑO

Charlas, arte, gastronomía, música e baile tradicional... Son parte dos ingredientes das XXVIII Xornadas Culturais-Festa do Muíño de Coiro, que organiza a Asociación Cultural Cacarexo  no entorno do recuperado muíño de Fausto, este ano entre o 5 e o 7 de maio.

 

O muíño de Fausto, un lugar cheo de maxia. Eu que son gaiteira, e bailadora, e bombeira, e tamborileira e pandereiteira, de todo un pouco, nunca me perdería esta foliada onde, entre amores e risos, a festa vai en aumento. Comeza co concurso de debulladoras de millo e remata coa festa más tola ás tantas da noite. Polo medio temos descansiños para degustar a comida tradicional, ovos con pan de millo e bocadillos de zorza, sen esquecer as papas das doce, as mellores papas de todo o ano, da mesma fariña que sae do muíño á pota para repartir entre a xente. Nestes momentos de degustación é cando as pandereiteiras e cantareiras soben ao escenario e cantan e bailan ata que a xente xa non pode máis e ten que descansar.

Non podes deixar de vir ao muíño pero vén preparado/a para bailar porque senón mellor non veñas. O muíño é unha festa na que te esqueces de todo, na que estás tranquila coa túa xente e gozas durante horas da festa e da alegría compartida.