Quedamos para escoitar recitar poesía a Paulo, un profe de prácticas que estivo o curso pasado en Rodeira. Coma sempre, o xoves ás 21h na Fonte do Galo.
15 years ago
26.3.18
22.3.18
VI ENCONTROS PARA UNHA CONVIVENCIA POSITIVA
Ainhoa e Rosemary chegaron onte tras pasar dous días en Muros, no IES Fontexería, onde tiveron a oportunidade de representar ao instituto nun encontro para mellorar a convivencia. Contáronnos que alí fixeron moitos amigos e amigas galego-falantes e que elas tamén falaron moito galego. Parabéns!
ATRÉVETE A LOITAR POLA ACEPTACIÓN DA DIVERSIDADE
Esta foi a proposta: que cada alumno ou alumna presentase aos seus compañeiros e compañeiras alguén que tivese que loitar para ser aceptado nunha sociedade que, con demasiada frecuencia, impón unha norma única pechando os ollos á realidade da diversidade, abrindo un debate a partir destas experiencias. Aquí tedes algunhas das historias que nos contaron:
historias
de discapacidade from lingualiza
on Vimeo.
famosos
acosados from lingualiza
on Vimeo.
diversidade
sexual.raquel from lingualiza
on Vimeo.
historias
de discapacidade1 from lingualiza
on Vimeo.
21.3.18
MATEMAXIA
Hoxe, nunha actividade organizada en colaboración co concello de Cangas, recibimos ao mago Paco que nos demostrou a través de exemplos como podemos usar as matemáticas en galego para facer maxia. A primeira demostración tivo que ver coa cinta de Möbius:
Tamén nos aprendeu como adiviñar números a través de táboas, converténdoos en números binarios.
ATRÉVETE A RECIBIR A PRIMAVERA CON POESÍA
Chega a primavera e queremos celebralo. E coma hoxe, 21 de marzo, celebramos o Día da Poesía e o Día da árbore, realizamos un proxecto conxunto desde as aulas de bioloxía e o equipo de dinamización. Os corredores do instituto enchéronse de pólas de árbores espidos invitándonos a toda a comunidade educativa a enchelos de flores de cores, de follas de versos, de paxaros cos seus nomes... E chegou a primavera!!!
6.3.18
ATRÉVETE A ROMPER ESTEREOTIPOS. LOITA POLA IGUALDADE.
Celebramos o 8 de marzo, día da muller, homenaxeando a todas as pioneiras galegas, as mulleres que souberon saltar barreiras e esixir os mesmos dereitos dos que gozaban os homes. Elas son o noso modelo a seguir: Exeria, a primeira escritora; Isabel Barreto, a primeira almiranta; MªLuz Morales, primeira directora dun xornal; Olimpia Valencia, a primeira doutora; Isabe Zendal, a primeira enfermeira en misión internacional; Sofía Casanova, a primeira correspondente de guerra; Irene González, a primeira futbolista; Aurea Rodríguez, a primeira gaiteira; Celia Rivas, a primeira condutora de camións, Angeles Mouriño, a primeira científica nun buque de investgación internacional; Marcela e Elisa, a primeira voda entre mulleres. Realizouse unha exposición no centro e puidemos ir pescudar nela para facer logo exposicións orais.
Tamén plastificamos carteis coas cen mulleres galegas pioneiras en diferentes campos recollidas nun pdf da Consellería de Educación e colgámolas das árbores da alameda de Cangas para contribuír a dar a coñecer á sociedade as referentes que unha historia tradicional contada e protagonizada por homes nos tivo agochadas.
Desde o departamento de matemáticas colaboraron na celebración do Día da Muller dando a coñecer mulleres matemáticas que realizaron importantes contribucións ao longo da historia.
5.3.18
ATRÉVETE COA CORRESPONSABILIDADE NAS TAREFAS DOMÉSTICAS FALANDO EN GALEGO
Este é o reto que nos propuxeron ao alumnado de 4º. Achégase o 8 de marzo e hoxe atopamos a fachada do instituto chea de mandís,
a entrada do instituto convertida nun cuarto dunha casa, con cama e todo, e un gran cartel chamando á corresponsabilidade nas tarefas domésticas e moitas fotos de profesores e alumnos realizándoas nas súas casas.
E logo viñeron á clase para propoñernos participar nunha xincana na que deberiamos demostrar que xa superamos as discriminacións tradicionais que relegaron á muller e á lingua galega e as pecharon na casa superando unha serie de probas:
tender e pasar o ferro,
coser un botón,
arrombar un cuarto facendo a cama e limpando,
facer unha torta de chocolate,
e colocar un colgadoiro empregando un trade e un desparafusador.
E sempre falando en galego.
Saiunos xenial, sobre todo a torta que comeremos mañá.
Superamos o reto e estamos dispostas e dispostos a loitar pola igualdade no ámbito doméstico e tamén no social e no laboral.
a entrada do instituto convertida nun cuarto dunha casa, con cama e todo, e un gran cartel chamando á corresponsabilidade nas tarefas domésticas e moitas fotos de profesores e alumnos realizándoas nas súas casas.
tender e pasar o ferro,
e colocar un colgadoiro empregando un trade e un desparafusador.
E sempre falando en galego.
Saiunos xenial, sobre todo a torta que comeremos mañá.
Superamos o reto e estamos dispostas e dispostos a loitar pola igualdade no ámbito doméstico e tamén no social e no laboral.
Subscribe to:
Posts (Atom)
