FACENDO NOVAS ESTATÍSTICAS EN GALEGO SOBRE A CAMPAÑA DA FROITA

O alumnado de 1ºC da profe Débora seguimos aprendendo estatística a partir de cuestionarios sobre a froita realizados a todos os nosos compañeiros e compañeiras de 1º e 2º da ESO. Entregámoslle unha enquisa a cada alumno/a preguntando sobre a froita preferida,  sobre o número de pezas de froita que comemos cada día e se participarían ou non para o vindeiro curso. Logo fixemos reconto, cálculo de medias e moda e representación gráfica. Aquí tendes os resultados que están expostos nos taboleiros da entrada:

SE QUERES BOAS NOTAS... FROITA PARA O CEREBRO

En época de exames, alimenta ben o teu cerebro. Non esquezas a froita na túa dieta.

FACENDO ESTATÍSTICA EN GALEGO: CONSUMO DE FROITA

O alumnado de 1ºC coa nosa profe Débora tivemos unhas clases de mate un pouco especiais. Estivemos elaborando estatísticas e gráficas cos datos recollidos dos días que comeron froita os alumnos e alumnas de 1º da ESO. Rematadas as catro semanas de froita, fomos ás outras aulas de 1º a expoñér o noso traballo. E todo iso en galego... que na nosa lingua tamén se pode falar de números.

Estes foron os datos recollidos:

1º B, a aula gañadora, recibiu como premio unha enorme torta de froitas. Tamén houbo unha torta un pouco máis pequena para 1ºC polo seu traballo estatístico que os interesou tanto que fixo que remontasen e quedasen moi pretiño da aula gañadora.

CONTANDO CONTOS NOS COLES

O Equipo de Dinamización da Lingua Galega de 1 da ESO fomos aos coles da Rúa e de Castrillón onde contamos e dramatizamos contos en galego para o alumnado de infantil. Fíxonos moita ilusión volver aos coles nos que estudamos primaria.


TEATRO from lingualiza on Vimeo.

APRENDENDO DOS MAIORES NA HORTA. 4º ESO

Esta vez tocounos aos de 4º da ESO recoller os restos da froita para facer compost e visitar a horta para ver como foron medrando as nosas árbores. Xa temos unha mazá!