FESTA DO MUÍÑO

Xa queda pouco para a nova edición da Festa do Muíño. Vémonos para cantar e bailar e na ruta dos muíños.

ARREDOR DE TI

Alumnado do IES de Rodeira enchemos a sala de actos do colexio Eduardo Pondal para apoiar aos nosos compañeiros e compañeiras do grupo de teatro na estrea da súa obra Arredor de ti, dentro da Mostra de Teatro de Ensino Secundario do Morrazo. Foi un éxito total!!! Parabéns á Réplika de María: Iker Marcus, Tomás Soaje, Aitor Gandón, Sara Malvido, Sabela Rúa, Lucía Núñez, Rubén Sotelo, Candela Carvajal, Miguel Collazo, Laura Carballo, Yaiza Portela, Noel Malvido, Abel Villar, Yago Otero e Alba Fernández e ao seu director, Xoán Riobó.

XXII MOSTRA DE TEATRO DE ENSINO SECUNDARIO DO MORRAZO

Mañá bota a andar, un ano máis, a Mostra de Teatro e, tamén un ano máis, xa está o noso grupo A Replika, que este ano actúa co grupo do IES María Soliño, cos nervios dos últimos ensaios.

O dramaturgo, actor e director Cándido Pazó será o encargado de abrir esta 22ª edición, máñá ás 10.00 horas, antes de que o grupo de teatro anfitrión suba ao escenario para representar A illa amarela, de Paloma Pedrero, en adaptación e dirección de Ángel Currás. A obra parte do regreso dun pequeno grupo de valentes isleños que, despois de explorar o mundo exterior, amosan aos compañeiros os produtos que inventamos os pobos civilizados para cubrir necesidades que non o son tanto.

E logo chegará  o momento máis agardado, a representación protagonizada polo noso alumnado de teatro do noso instituto da obra Arredor de ti. A Réplika de María, baixo a dirección de Xoán Riobó, levará a escena unha historia que sucede en Ancoradouro, un chiringo de praia, un espazo de calma e tempestade, un lugar que amosa fragmentos de vida, un diálogo sobre as relacións. A ruptura, a infidelidade, a manipulación, a dificultade de relación os as diferentes tendencias sexuais son temas que percorren esta illa de liberdade e axitación.

Moita merda!!!

NOVA GARDA DE 8 A 10

Vémonos na Fonte do Galo o xoves ás 20h

ATRÉVETE CO TANGRAM E O XADREZ

Este foi o reto de Matemáticas que nos propuxo alumnado voluntario de diferentes cursos, desafiándonos a formar figuras co tangram e a continuar diferentes partidas ao xadrez.

 Os retos do xadrez convertéronse ademais en fermosas historias contadas polo alumnado.

Vampiro from lingualiza on Vimeo.

Pastor from lingualiza on Vimeo.

Napoleón from lingualiza on Vimeo.

 

Capablanca from lingualiza on Vimeo.

ATRÉVETE A MEDIR AS TÚAS CAPACIDADES

Alumnado monitor explícanos algunhas das probas de medición de capacidades e habilidades que se están a realizar na Semana da Ciencia, organizadas desde o Departamento de Bioloxía.

 

 

EXPERIMENTANDO COAS CORES

Alumnado de Física e Química fálanos dos experimentos que están a realizar na Semana da Ciencia, todos eles relacionados coas cores.

ATREVÉNDONOS COA CIENCIA E COA TECNOLOXÍA

A Semana da Ciencia e da Tecnoloxía está a desenvolverse na Sala de Usos Múltiples con gran éxito de participación. 

Lembra que podes pasar en calquera recreo desta semana para participar nos obradoiros!

OBRADOIROS DE MATEMÁTICAS: XADREZ E TANGRAM

  

PROBAS DE CAPACIDADE E RESISTENCIA (BIOLOXÍA  E XEOLOXÍA)

 

ROBOTS E CIRCUÍTOS (TECNOLOXÍA)

-XOGOS DE ORDENADOR DESEÑADOS POLO ALUMNADO DE INFORMÁTICA

-EXPERIMENTOS DE FÍSICA E QUÍMICA

ATRÉVETE CO GALEGO NA CIENCIA E NA TECNOLOXÍA

Xa está aquí a nova convocatoria da Semana da Ciencia e da Tecnoloxía. Lembrade que podedes participar en obradoiros en galego ao longo de todos os recreos da semana próxima. Este ano, desde o departamento de Bioloxía e Xeoloxía, propóñennos diferentes xogos para medir a capacidade de atención, de retentiva, de forza física, de respiración... Cada día publicarase quen consegue as mellores puntuacións... Co xadrez e co tangram teñen que ver os retos que nos propón o Departamento de Matemáticas e ademais poderemos escoitar historias incribles. Ou seguir de preto cada un dos experimentos de Física e Química, este ano relacionados coas cores. O alumnado de Informática invítanos a gozar de xogos da súa creación e o de Tecnoloxía, de circuítos e robots.

Para ir abrindo boca, podedes ver xa na planta baixa traballos do alumnado do centro: carteis anunciando esta Semana 

e unha exposición das fotos presentadas ao concurso de fotografía matemática.

 

XORNADAS SOBRE LAICISMO

Aquí tendes o programa das Xornadas de Laicismo organizadas polo Departamento de Xeografía e Historia e polo Departamento de Filosofía, con conferencias no centro para o alumnado de Bacharelato e tamén no Auditorio do Concello de Cangas para o público en xeral onde haberá ademais actuacións teatrais e musicais.

CHEGA O CITEAMOR

Atentos e atentas ás novas citas no Auditorio que xa comeza o CITEAMOR.