4.2.16

QUEREMOS TRADICIÓN. QUEREMOS COPLAS DE ENTROIDO EN GALEGO



Celebramos, cun día espectacular, o gran concurso de comparsas con moita participación, en especial do alumnado maior. Foi tocar o timbre do 2º recreo e comezar a desfilar polo instituto habitantes dunha polis grega, unha selección de deportistas olímpicos, personaxes do conto de Alicia, supernenas e científicos, futbolistas e animadoras, turistas, personaxes da Idade Moderna, deuses e deusas gregas, militares e árabes, personaxes de Grease… con moitas ganas de festa e de criticar profes e deberes nas súas coplas, en galego, como ten que ser. 






 Pero o profesorado non quedou calado e decidiu converterse por un día en Dora, a desbrosadora, o famoso personaxe do Bichero, e deixar ben claro que hai moito que desbrosar no alumnado, nas novas programacións e no xardineiro enviado polo concello que, cunha poda salvaxe, nos deixou sen árbores no xardín.










No comments:

Post a Comment

e ti que dis?