lingualiza

24.4.23

Contacontos!

Tanto o alumnado de 3º ESO en decembro, como o de 2º ESO en abril (ambos pertencentes ao EDLG), fixeron de contacontos aos máis pequenos dos CEIP Castrillón e CEIP A Rúa.

14.4.23

Blog sobre o Camiño de Santiago

Durante o camiño de Santiago, o alumnado tivo que facer un blog para deixar constancia da experiencia vivida. Deixámosvos aquí dous deles!

O alumnado do EDLG realizou o Camiño de Santiago no seu último tramo Padrón-Santiago e facendo noite no Albergue de Milladoiro. Ademais da experiencia do propio camiño, o alumnado aprendeu, conviviu e coñeceu algo máis do noso país, aproveitando está magnífica oportunidade para darlle á lingua!

23.2.23

Día de Rosalía 2023

No día de Rosalía de Castro, algúns grupos da ESO participaron nunha homenaxe á nosa autora máis universal recitando algúns dos seus poemas.

17.2.23

Entroido!

No IES de Rodeira celebramos o entroido elaborando en cada curso (e tamén o profesorado) as nosas versións críticas, satíricas e retranqueiras das cancións máis coñecidas do momento. Como cada entroido, os exames, as materias e o profesorado son punto de mira do noso alumnado. Mentres, o profesorado optou, este ano, por criticar a bur(r)ocracia.

30.12.22

Nadal 2022: de Rodeira a Castrillón

O alumnado de 3º ESO do EDLG visitou o CEIP Castrillón para interpretar dúas cantigas de nadal ao alumnado de infantil e primaria

25.11.22

25-N: Contra a violencia machista

O alumnado do noso centro saíu en mobilización cara ao acto promovido polo concello de Cangas con motivo do Día Internacional contra a violencia machista. Desde o EDLG elaboramos pancartas e un manifesto que foi lido no propio acto.

11.11.22

Concurso Coreografíate!

Alumnas de 3º ESO do EDLG participaron no concurso Coreografíate! A canción elixida foi "Salsa Galaica" do grupo de rap Son da Rúa. A coreografía foi realizada por Cecilia, profesora de música do noso centro.

4.11.22

Samaín en Rodeira

Alumnado de 2º ESO e 3º ESO do EDLG organizou un Escape room e unha Busca do tesouro respectivamente, onde o uso da nosa lingua era fundamental para conseguir os obxectivos.