+PHOTOCALL

Gran éxito do noso fotocall. Mañá remata. Non deixes de pasar se queres recibir por correo unha divertida foto cunha dedicatoria de amor ou amizade.

CONTAXIA AMOR E AMIZADE NA NOSA CAIXA DE CORREOS

Lembra que na entrada do instituto está a caixa de correos para recoller as cartas e mensaxes que queiras enviar a esas persoas especiais para ti. 
 No recreo poderás recoller corazóns que se converten en sobres para enviar a túa mensaxe. 

CARTAS from lingualiza on Vimeo.

CONTAXIA AMIZADE EN FOTOS DEDICADAS

Xa tes a túa foto dedicada en galego? Que estás esperando? Achégate nos recreos e inspírate nos versos dos nosos poetas.

 

CONTAXIANDO POESÍA

Hoxe coñecemos a Antonio García Teijeiro, un poeta entregado á causa de contaxiar poesía á mocidade e aos nenos e nenas. Contounos que o que o inspiraba para escribir era o que sucedía na rúa, que chegou á poesía pola música pero axiña se converteu nun gran lector de poesía. Escribir deu saída a súa indignación co mundo nos anos da ditadura nos que viviu a súa infancia e a música e a lectura converteron os seus sentimentos en poesía.

garcia teijeiro1 from lingualiza on Vimeo.

 Contestou a todas as nosas preguntas

garcia teijeiro2 from lingualiza on Vimeo.

 invitounos a recitar con el 

garcia teijeiro3 from lingualiza on Vimeo.

e ata cantamos os seus poemas! 

garcia teijeiro4 from lingualiza on Vimeo.

garciateijeiro5 from lingualiza on Vimeo.

POEMAR O MAR

Achégase a visita de Antonio García Teijeiro para encontrarse co alumnado de 1º da ESO na biblioteca do centro. 

 

 Pedímoslles que, para estaren ben preparados, escollesen os seus versos preferidos. Convertemos a parede da entrada nun gran mar de papeis azuis e invitámolos a habitalo cos versos convertidos nas formas marinas que fosen quen de imaxinar. 
Así foi como se atreveron a poemar o mar.

CONTAXIA AMOR E AMIZADE

Mañá celébrase a Candeloria e con ela comeza un novo ciclo. Os días comezan a medrar e a natureza prepárase para o amor. E nos non imos ser menos. Arrinca hoxe a nosa nova campaña "Contaxia amor e amizade" na que vos invitamos a expresar en galego os vosos sentimentos máis profundos polas persoas que camiñan ao voso carón. Para iso aprendemos dos e das nosas grandes poetas. Atoparás o centro cheo dos seus versos para que te inspires nas dedicatorias para o photocall e para as cartas de amor. 

Anímate a participar!